G7 ölkələrinin liderləri Çinlə sabit və konstruktiv münasibətlər qurmağa hazır olduqlarını, həmçinin bu ölkə ilə səmimi qarşılıqlı fəaliyyətin vacibliyini dərk etdiklərini bildiriblər.

Bu barədə G7-nin yekun bəyanatında bildirilib.

G7 ölkələri qeyd ediblər ki, Çinin beynəlxalq aləmdəki rolunu, eləcə də Çin iqtisadiyyatının həcmini nəzərə almaq lazımdır.

“Bizim siyasətimiz Çinə zərər vermək və ya onun iqtisadi inkişafına, tərəqqisinə mane olmaq məqsədi daşımır”, - sənəddə vurğulanır.

Həmçinin, “Böyük Yeddilik” ölkələri Xirosima sammitində dünyada nüvə silahının tamamilə rədd edilməsinin, həmçinin nüvə enerjisindən dinc məqsədlərlə istifadə olunmasının tərəfdarı olduqlarını bildiriblər.

Bundan əlavə, G7 liderləri Ukraynaya nə qədər vaxt lazımdırsa, onu dəstəkləməyə davam edəcəklərini bildiriblər.