Ermənistanın baş naziri Nikol Paşinyanın Azərbaycanın ərazi bütövlüyünü tanımaqla bağlı son bəyanatları Qarabağdakı separatçı rejimin rəhbərliyində çaşqınlıq yaradıb.
Bu barədə “Caliber”in “YouTube” kanalındakı yeni süjetində bildirilir.
Qeyd olunur ki, separatçıların sabiq başçıları Bako Saakyan və Arkadi Qukasyan birgə bəyanat yayaraq bildiriblər ki, rejim Ermənistan rəhbərliyinin nizamlanma prosesinə mövcud yanaşmasını qəbul etmir və əvvəllər də olduğu kimi, bütün mümkün vasitələrlə mübarizəni davam etdirəcək. Qondarma respublikanın parlamenti də eyni acıqlı ruhda sənəd qəbul edərək İrəvanın mövqeyinə etiraz edib.
“Maraqlıdır ki, bu müraciətlərdə Rusiya sülhməramlı kontingentinin adı çəkilmir. Aydındır ki, Moskvadan lüzumsuz yerə sülhməramlıların adının hallandırılmaması ilə bağlı sərt göstəriş gəlib ki, bu da dolayısı ilə həm Kremlin yeni reallığı qəbul etdiyini, həm də danışıqlar prosesində irəliləyişin olduğunu göstərir”, - süjetdə deyilir.
Daha ətraflı “Caliber”in videomaterialında:
