Mayın 26-da Azərbaycan-Ermənistan dövlət sərhədinin Zəngilan rayonu ərazisindən keçən hissəsində Ermənistan Silahlı Qüvvələrinin təxribat-diversiya qrupu tərəfindən Azərbaycan Respublikasının dövlət sərhədinin pozulması cəhdinin qarşısı alınıb.

Bu barədə Senzor.az-a Dövlət Sərhəd Xidmətinin Mətbuat Mərkəzindən məlumat verilib.

Bildirilib ki, sərhəd-döyüş məntəqəsində xidmətdə olan hərbi qulluqçuların sayıqlığı nəticəsində təxribat-diversiya qrupunun hərəkəti vaxtında aşkarlanaraq zəruri tədbirlər görülüb və nəticədə Ermənistan Silahlı Qüvvələrinin 2 hərbi qulluqçusu saxlanılıb.

Diversiya qrupunun digər üzvləri ərazinin mürəkkəb relyefə malik olmasından istifadə edərək geri qaçıblar.

Əməliyyat şəraiti nəzarətdə saxlanılır.

**19:57

Dövlət sərhədinin Zəngilan istiqamətində bir qrup erməninin diversiya cəhdinin qarşısı alınıb.  

Senzor.az bildirir ki, bu barədə “Caliber” məlumat yayıb.

Məlumata görə, Azərbaycan Silahlı Qüvvələrinin əməliyyat-axtarış tədbirləri nəticəsində düşmənin diversiya qrupu zərərsizləşdirilib.

İki diversantın saxlanıldığı bildirilir.