Serbiya Prezidenti Aleksandar Vuçiç Türkiyə Prezidenti Rəcəb Tayyib Ərdoğanla telefon danışığı zamanı Kosovanın şimalında sülhün sabitləşməsi üçün ondan dəstək istəyib.
Bu barədə Serbiya liderinin mətbuat xidmətinin yaydığı bəyanatda deyilir.
O, həmçinin regionda sülh və sabitliyi qorumaq üçün Türkiyə dövlət başçısından ölkəsi və öz təsir imkanlarından istifadə etməyi xahiş edib.
Bundan əlavə, Vuçiç Ərdoğanı qələbəsi münasibətilə təbrik edərək, Serbiyaya səfərə dəvət edib.
"Bu münasibətlə prezident Vuçiç qeyd edib ki, Türkiyə Serbiya üçün təkcə ikitərəfli əsasda deyil, həm də beynəlxalq siyasi arenada son dərəcə vacib tərəfdaşdır", - bəyanatda qeyd edilib.(APA)
