İyunun 12-də Vaşinqtonda Ermənistan və Azərbaycan xarici işlər nazirləri arasında danışıqların yeni raundu başlayacaq.
Senzor.az yerli KİV-ə istinadən bildirir ki, bunu Ermənistanın baş naziri Nikol Paşinyan Moldovanın erməni icması ilə görüşündə deyib.
“İyunun 12-dən Vaşinqtonda Ermənistan və Azərbaycan XİN başçıları formatında görüşlər keçiriləcək”, - Paşinyan bəyan edib.
Onun sözlərinə görə, iyunun 2-də isə Moskvada regional kommunikasiyaların açılması üzrə Üçtərəfli işçi qrupunun görüşü baş tutacaq.
Xatırladaq ki, Azərbaycan və Ermənistan XİN başçılarının sonuncu görüşü də 1-4 may tarixlərində Vaşinqtonda keçirilmişdi.
