Rusiya silahlı qüvvələri iyunun 10-na keçən gecə pilotsuz təyyarələrlə Odessa vilayətinə hücum edib. 

Senzor.az yerli KİV-ə istinadən bildirir ki, bu barədə Ukrayna ordusunun “Cənub” Əməliyyat Komandanlığı məlumat yayıb.

Qeyd olunub ki, Hava Hücumundan Müdafiə Qüvvələri Odessa bölgəsi üzərində bütün “Şahed-131/136”nı vurub, lakin dronların qalıqlarının düşməsi nəticəsində çoxmərtəbəli binada yanğın baş verib.

“50 kvadratmetr ərazini əhatə edən yanğın dərhal söndürülüb. 3 mülki şəxs həlak olub. 10-dan çox insan yaralanıb”, -deyə məlumatda bildirilir.

O da bildirilir ki, partlayış nəticəsində bir neçə yaşayış binasına ziyan dəyib. Hazırda zərərçəkənlərlə bağlı yekun məlumat dəqiqləşdirilir.