“İran uranı 90%-dək zənginləşdirərsə, İsrail bu ölkəyə zərbə endirəcək. İran yaxşı bilir ki, uranın zənginləşdirilməsi səviyyəsini 90%-ə çatdıra bilsə, İsrail onu vuracaq”.
“İnterfaks”ın məlumatına görə, bunu adı açıqlanmayan İsrail rəsmisi Tehranla Qərb ölkələri arasında İranın nüvə proqramı ilə bağlı razılığın əldə olunmasının mümkünlüyü ilə bağlı xəbərlərə münasibət bildirərkən deyib.
“ABŞ, eləcə də digər Qərb ölkələrinə də məlumdur ki, nüvə bombası istehsalı üçün lazım olan 90% zənginləşdirilmiş uran İsrail üçün qırmızı xətdir”, - İsrail nümayəndəsi vurğulayıb.
Tehran və Vaşinqton arasında Omanın vasitəçiliyi ilə dolayısı ilə danışıqlar aparılacağı barədə məlumatlar fonunda İsrailin baş naziri Benyamin Netanyahu xəbərdarlıq edib ki, “İranla heç bir razılaşma İsrail üçün məcburi olmayacaq və ölkə özünü qorumaq üçün hər şeyi edəcək”.
