“Azərbaycan və Ermənistan arasında nəqliyyat əlaqələrinin açılması istiqamətində Moskva hər gün Bakı və İrəvanla əlaqə saxlayır”.

“RİA-Novosti” bildirir ki, bunu Rusiya baş nazirinin müavini Aleksey Overçuk deyib.

“Rusiya danışıqlarda iştirak edir, məsələnin həlli yolları ilə bağlı təkliflər verir, Azərbaycan və Ermənistanın baş nazir müavinləri arasında əlaqə qurulmasını, dialoq üçün platformanı təmin edir. Nəqliyyat əlaqələrinin məhz nə zaman açılacağı, bunun nə qədər tez və ya gec zamanda baş verəcəyi ilə bağlı sualı mən heç vaxt cavablandırmıram. Tərəflər nə zaman razılığa gələrsə, bu o zaman da baş verəcək”, - deyə Aleksey Overçuk vurğulayıb.