İranın cənub-şərqində Sistan və Bəlucistan əyalətində təxribat və terror aktları törətməyə hazırlaşan terrorçu dəstə məhv edilib.

Senzor.az bildirir ki, bu barədə “Mehr” agentliyi məlumat yayıb.

Sistan və Bəlucistan Sərhəd Mühafizəsinin komandanı briqada generalı Rza Şocaei təxribat hərəkətləri etmək üçün ölkəyə daxil olmağa çalışan terrorçu dəstənin əyalətdə keçirilən əməliyyatda məhv edildiyini açıqlayıb.

Briqada generalı əməliyyat zamanı bir terrorçunun zərərsizləşdirildiyini və çoxlu sayda terrorçunun yaralandığını bildirib.

Rza Şocaei, həmçinin əməliyyat zamanı bir sərhədçinin yaralandığını və müalicə üçün tibb mərkəzinə göndərildiyini açıqlayıb.