Mülki ermənilərin Azərbaycanın Ermənistanla sərhəddə, Laçın-Xankəndi yolunun başlanğıcında yaradılmış buraxılış məntəqəsindən Beynəlxalq Qırmızı Xaç Komitəsi (BQXK) vasitəsilə sərbəst keçidinin təmin olunması ilə bağlı daha bir görüntü yayılıb.
Senzor.az bildirir ki, görüntülərdə BQXK-nın vasitəçiliyi ilə tibbi evakuasiya təyinatlı keçidə şərait yaradıldığı əks olunub.
BQXK-nın minik avtomobilləri Xankəndidən Ermənistan istiqamətinə keçid edib.
Görüntülərdə mülki ermənilərin sənədləri, onların avtomobilləri prosedura uyğun olaraq yoxlanılır, sonra gediş-gəlişləri təmin edilir.
Bu bir daha mülki ermənilərin sərhəd-buraxılış məntəqəsindən keçidində heç bir maneənin, hər hansı çətinliyin olmadığını göstərir.
Həmin görüntüləri təqdim edirik:
