Fransada 17 yaşlı yeniyetmənin polis tərəfindən qətlə yetirilməsinə etiraz edən etirazçılar ötən gecə 1,3 min maşın və 234 bina yandırıblar.
Bu barədə BFMTV telekanalı məlumat yayıb.
“Ötən gecə 2560 yanğın hadisəsi baş verib: 1350 maşın yandırılıb, 234 bina yanıb və yaxud yanğından zədələnib”, - məlumatda bildirilib.
Etirazçılar 31 polis bölməsinə, 16 bələdiyyə polis bölməsinə və 11 jandarma kazarmasına hücum ediblər.
İğtişaşlar zamanı 1 nəfər ölüb, saxlanılanların sayı isə 1 500-ü keçib.
Qeyd edək ki, iyunun 27-də səhər saatlarında polis əməkdaşları Nanterdə yolda yoxlama zamanı 17 yaşlı yeniyetməni güllələyiblər. Bunun ardınca Fransanın bir sıra şəhələrində etirazlar, ardınca isə iğtişaşlar başlayıb.
