Türkiyə Ordusu İraqın şimalında hava zərbəsi ilə daha 9 terrorçunu məhv edib.
Senzor.az bildirir ki, bu barədə Türkiyə Milli Müdafiə Nazirliyi məlumat yayıb.
“Türk Silahlı Qüvvələri İraqın şimalında terrorçu təmizliyini sürətini azaltmadan davam etdirir. Pəncə-Kilid Əməliyyatı bölgəsində aşkarlanan 9 PKK terrorçusu hava əməliyyatı ilə zərərsizləşdirilib. Bölgədə bir nəfər də olsun terrorçu qalmayana qədər əməliyyatlarımız qətiyyətlə davam edəcək”, - deyə məlumatda qeyd edilir.
Xatırladaq ki, bundan öncə Türkiyənin İstanbul şəhərində PKK terror təşkilatının 9 üzvü saxlanılıb.
