"Yaxın günlərdə Ermənistanın xarici işlər naziri Ararat Mirzoyanla Azərbaycanın xarici işlər naziri Ceyhun Bayramov arasında görüş keçirilməsi mümkündür".Senzor.az “Sputnik Armeniya”ya istinadən bildirir ki, bunu Ermənistan XİN başçısının müavini Vahe Gevorkyan deyib.
Onun sözlərinə görə, kommunikasiyaların açılması ilə bağlı yeni görüşün keçirilməsi istisna deyil: "Biz bu istiqamətdə səylərimizi davam etdirəcəyik. Düşünürəm ki, yaxın vaxtlarda yeni görüşlər baş tutacaq və danışıqlar prosesinin tam bərpası üçün şərait yaradılacaq", - deyə o vurğulayıb.
Vaqe Qevorqyan onu da əlavə edib ki, bu danışıqlar köhnə formatda aparılacaq.
Nazir müavini Azərbaycanla Türkiyənin “3+3” təşəbbüsünə də cavab verib: “Regional əməkdaşlıq formatı hazırda mövcud olan formatları təkrar etməməlidir. Region dəyişir və Ermənistan “3+3” formatı ilə yanaşı, digər əməkdaşlıq təklifləri də alır. Bütün təkliflər müzakirə olunur, amma “3+3” formatı ilə bağlı yekun qərar verilməyib”.
