Rusiya qoşunları iyulun 23-də Ukraynanın Odessa şəhərinə raket hücumu həyata keçirib, ölən və yaralananlar var.

Senzor.az yerli KİV-ə istinadən bildirir ki, bu barədə Odessa vilayəti hərbi administrasiyasının rəhbəri Oleq Kiper sosial şəbəkədə məlumat yayıb. 

O qeyd edib ki, Odessada saat 03.00-a olan məlumata görə, 1 nəfər mülki şəxs ölüb, 4-ü uşaq olmaqla, 18 zərərçəkən var. 14 nəfər şəhər xəstəxanalarına yerləşdirilib, onlardan üçü uşaqdır.

O.Kiperin sözlərinə görə, zərərçəkənlərin sayı ilə bağlı məlumatlar dəyişə bilər.