Rusiya Prezidenti Vladimir Putin sentyabrın 1-də Qırğızıstanın paytaxtı Bişkekdə türkiyəli həmkarı Rəcəb Tayyib Ərdoğanla görüşəcək.

Senzor.az yerli KİV-ə istinadən bildirir ki, bunu jurnalistlərə açıqlamasında Rusiya Prezidentinin köməkçisi Yuri Uşakov deyib.

Onun sözlərinə görə, liderlərin Qırğızıstanda keçiriləcək görüşü Şanxay Əməkdaşlıq Təşkilatının (ŞƏT) Zirvə toplantısı çərçivəsində baş tutacaq.

Görüş zamanı bir sıra məsələlər, o cümlədən Qara dənizdəki vəziyyət və ümumilikdə Ukrayna məsələsi müzakirə olunacaq.

Bununla yanaşı, Türkiyə-Rusiya arasında iqtisadi sahələrdə əməkdaşlığın daha da inkişaf etdirilməsi məsələləri də nəzərdən keçiriləcək.