ABŞ Prezidenti Donald Tramp Atlantik və ya Sakit okeanların adını dəyişdirmək niyyətində olduğunu açıqlayıb.

Senzor.az yerli KİV-ə istinadən bildirir ki, bu barədə o, Ontario gölünün adının “Amerika gölü” olaraq dəyişdirilməsi barədə sənəd imzaladıqdan sonra jurnalistlərə açıqlamasında deyib.

“Bizim bir körfəzimiz və bir gölümüz var. İndi bizə lazım olan tək şey okeandır. Bəlkə də Atlantik və ya Sakit okeanların adını dəyişdirməli olacağıq. Bəlkə də hər ikisini dəyişdirəcəyik”, - deyə o bildirib

Xatırladaq ki, ABŞ Prezidenti bu gün mətbuat nümayəndələrinin iştirakı ilə Ontario gölünün adının “Amerika gölü” olaraq dəyişdirilməsi ilə bağlı müvafiq sənəd imzalayıb.

“Ontario gölünün adını “Amerika gölü” olaraq dəyişdiririk. Mən bu sərəncamı imzaladığım andan etibarən bu qərar dərhal qüvvəyə minir”, – deyə Tramp bildirib.

Yeri gəlmişkən, Kanadanın Baş naziri Mark Karni “X” hesabında Trampın gölün adının dəyişdirilməsi ilə bağlı qərarına münasibət bildirərkən qeyd edib ki, Ontario gölü öz adını qoruyacaq: “Bu adın artıq 400 ildən çox yaşı var. Bu ad Kanada Konfederasiyasının yaranmasından və ABŞ-ın müstəqillik bəyannaməsinin qəbul edilməsindən çox əvvəl mövcud olub”.