Müxalifət partiyaları və onların tərəfdarları hazırda həbsdə olan eks-prezident Mixail Saakaşviliyə dəstək məqsədilə Tbilisidə Səhiyyə və Ədliyyə nazirliklərinin binaları qarşısında eyni vaxtda etiraz aksiyası keçirirlər.
Senzor.az yerli KİV-ə istinadən xatırladır ki, Gürcüstan müxalifəti noyabrın 8-də etiraz hərəkatının başladığını elan edib.
Əsas tələblər Saakaşvilinin azad edilməsi, onun mülki klinikaya köçürülməsi və növbədənkənar parlament seçkilərinin elan edilməsidir.
Aksiya başlamazdan əvvəl etirazçılar “Sakaşviliyə azadlıq” plakatları ilə yürüş ediblər.
Hər iki nazirliyin yaxınlığında polis qüvvələri səfərbər edilib.
Müxalifət planlarını açıqlamır, məliumata görə, bu gün axşam keçiriləcək ənənəvi brifinqdə onlar gələcək addımlarını açıqlayacaqlar.
