Çex Respublikası üçün tərəflər arasında dialoqun mövcud olması vacib amildir. Biz, əlbəttə, ölkələrin suverenliyini dəstəkləyirik və əlimizdən gələni etməyi hazırıq ki, Azərbaycan ilə Ermənistan arasında dialoqun yaranmasına töhfəmizi verək.
Yerli KİV xəbər verir ki, bu fikirləri Çex Respublikası parlamentinin Deputatlar Palatasının sədri Marketa Pekarova Adamova jurnalistlərə açıqlamasında deyib.
M. Pekarova sülhün bərqərar olduğu Qafqaz regionunun bundan sonra daha da çiçəklənəcəyini bildirib. “İndi vacib olan məsələ gələcəyə nəzər salmaqdır. Hazırda region ölkələri arasında yeni əlaqələr inkişaf etməkdədir. Bu da bizim hamımız üçün vacibdir”, – deyə Pekarova vurğulayıb.
**14:54
Çex Respublikası parlamentinin Deputatlar Palatasının sədri Marketa Pekarova Adamovanın rəhbərlik etdiyi nümayəndə heyəti fevralın 1-də Azərbaycan Respublikasına rəsmi səfərə gəlib.
Senzor.az xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda Marketa Pekarova Adamovanı Milli Məclisin Azərbaycan-Çexiya parlamentlərarası əlaqələr üzrə işçi qrupunun rəhbəri Elnur Allahverdiyev, Çexiyanın ölkəmizdəki səfiri Milan Sedlaçek və digər rəsmi şəxslər qarşıladılar.
