Almaniyada keçirilən futbol üzrə Avropa çempionatının qrup mərhələsinin III turunun Şotlandiya - Macarıstan görüşü başa çatıb.
Senzor.az xəbər verir ki, Ştutqartdakı "MHP Arena"da keçirilən matç macarların minimalhesablı qələbəsi ilə başa çatıb.
Yeganə qolu 90+10-cu dəqiqədə Kevin Çobot Şotlandiya yığmasının qapısından keçirib. Bu qələbə sayəsində 3 xal qazanan Macarıstan A qrupunu üçüncü sırada başa vurub. Şotlandiya isə 1 xalla sonuncu olub.
**
Almaniyada keçirilən futbol üzrə Avropa çempionatının qrup mərhələsinin III turunun İsveçrə - Almaniya görüşü başa çatıb.
Senzor.az xəbər verir ki, Frankfurtdakı "Valdştadion"da keçirilən matç 1:1 hesabı ilə yekunlaşıb.
Hesabı 28-ci dəqiqədə isveçrəlilərdən Dan Ndoye açıb. Meydan sahibləri 90+2-ci dəqiqədə Niklas Fullkruqla "status-kvo"nu bərpa edib.
Bu nəticənin ardından A qrupunda xallarının sayını 7-yə çatıdran Almaniya birinci, xal ehtiyatını 5-ə çatdıran İsveçrə isə ikinci olub. Hər iki komanda AVRO-2024-ün 1/8 finalına yüksəlib.
**2024-06--23/ 23:00
Almaniyada keçirilən futbol üzrə Avropa çempionatının qrup mərhələsinin III turunun Şotlandiya - Macarıstan görüşü start götürüb.
Senzor.az xəbər verir ki, A qrupunun oyunu Ştutqartdakı "MHP Arena"da keçirilir.
Qeyd edək ki, qarşılaşmanı italiyalı baş hakim Daniele Orsato idarə edir.
**
Almaniyada keçirilən futbol üzrə Avropa çempionatının qrup mərhələsinin III turunun İsveçrə - Almaniya görüşü start götürüb.
Senzor.az xəbər verir ki, A qrupunun oyunu Frankfurtdakı "Valdştadion"da keçirilir.
Qeyd edək ki, qarşılaşmanı argentinalı baş hakim Fakundo Telyo idarə edir.
**11:04
Almaniyada təşkil olunan Avropa çempionatının qrup mərhələsində bu gün III tura start veriləcək.
Senzor.az bildirir ki, A qrupunda keçiriləcək qarşılaşmalar Bakı vaxtı ilə saat 23:00-da başlayacaq.
Əvvəlcə 1/8 finala vəsiqəni təmin edən Almaniya millisi İsveçrə ilə qarşılaşacaq.
Digər görüşdə Şotlandiya və Macarıstan milliləri üz-üzə gələcəklər.
Turnir cədvəlinə 6 xalla Almaniya başçılıq edir. İsveçrə seçməsi 4 xalla ikinci, Şotlandiya 1 xalla üçüncü, xalı olmayan Macarıstan isə sonuncu pillədə qərarlaşıb.
Qeyd edək ki, Avropa çempionatına iyulun 14-də yekun vurulacaq.
