Almaniyanın ev sahibliyi etdiyi Avropa çempionatında 1/4 final mərhələsinin oyunlarına start verilib.
Senzor.az bildirir ki, ilk matçda İspaniya və Almaniya yığmaları üz-üzə gəlib.
Ştutqart şəhərində yerləşən “MHP Arena”da oynanılan görüşün əsas vaxtı 1:1 hesablı heç-heçə ilə yekunlaşdığı üçün əlavə vaxt oynanılıb.
Əlavə vaxtın 119-cu dəqiqəsində Mikel Merino İspaniya millisinə qələbə gətirən qola imza atıb.
Digər matçda Portuqaliya və Fransa komandaları münasibətlərini aydınlaşdıracaq. Hamburqun “Folksparkştadion” arenasında reallaşacaq qarşılaşmanın start fiti Bakı vaxtı ilə saat 23:00-da səslənəcək.
**22:01
Almaniyada təşkil olunan futbol üzrə Avropa çempionatında İspaniya və Almaniya yığmaları arasında 1/4 final görüşü başlayıb.
Senzor.az bildirir ki, qarşılaşma Ştutqartdakı "MHP Arena" stadionunda keçirilir.
Qeyd edək ki, görüşü ingiltərəli baş hakim Entoni Teylor idarə edir.
**
Almaniyada təşkil olunan futbol üzrə Avropa çempionatında İspaniya və Almaniya yığmaları arasında keçirilən 1/4 final görüşünün əsas vaxtı 1:1 yekunlaşıb.
Senzor.az bildirir ki, Ştutqartdakı "MHP Arena" stadionunda keçirilən qarşılaşmada hər biri 15 dəqiqədən ibarət olan iki əlavə hissə oynanılacaq.
Qeyd edək ki, görüşdə hesabı 52-ci dəqiqədə ispanlardan Dani Olmo açıb. 89-cu dəqiqədə isə Florian Virts "status kvo"nu bərpa edib.
**
Futbol üzrə Avropa çempionatında İspaniya və Almaniya yığmaları arasında keçirilən 1/4 final görüşündə əlavə vaxt start götürüb.
**10:14
Almaniyanın ev sahibliyi etdiyi Avropa çempionatında bu gün 1/4 final mərhələsinin oyunlarına start veriləcək.
Senzor.az bildirir ki, günün ilk qarşılaşması İspaniya və Almaniya yığmaları arasında olacaq.
Ştutqart şəhərində yerləşən “MHP Arena”da oynanılacaq görüş Bakı vaxtı ilə 20:00-da başlayacaq.
Digər matçda Portuqaliya və Fransa komandaları münasibətlərini aydınlaşdıracaqlar. Hamburqun “Folksparkştadion” arenasında reallaşacaq qarşılaşmanın start fiti Bakı vaxtı ilə 23:00-da səslənəcək.
Xatırladaq ki, Avropa çempionatına iyulun 14-də yekun vurulacaq.
