Böyük Britaniya və Şimali İrlandiyanın Kralı III Çarlz Baş nazir Rişi Sunakın istefasını qəbul edib.

“BBC“ xəbər verir ki, bu barədə Bukinhem sarayı rəsmi məlumat yayıb.

“Hörmətli Parlament üzvü Rişi Sunak səhər saatlarında kralla görüşüb, Baş nazir vəzifəsindən istefasını ona təqdim edib. Əlahəzrət kral onun istefasını məmnunluqla qəbul edib”, - məlumatda deyilir.

Saraydan o da bildirilib ki, leyboristlərin lideri Kir Starmer tezliklə kralı ziyarət etdikdən sonra vəzifəsinin icrasına başlayacaq.

**11:41

Böyük Britaniyanın Baş naziri Rişi Sunak istefa ilə bağlı müraciətini Kral III Çarlza təqdim edib.

Bu barədə Britaniya KİV-i məlumat yayıb.

O, son 200 ildə ölkənin ən gənc hökumət başçısı olub. Sərvəti Britaniya kralının sərvətini üstələyən R.Sunak iki ildən az müddətə bu vəzifədə çalışıb.