Gürcüstan Prezidenti Salome Zurabişvili Aİ-nin Gürcüstanın inteqrasiyasını dayandırmaq qərarına görə hökuməti ittiham edib.
Yerli KİV xəbər verir ki, dövlət başçısı Gürcüstanla bağlı mənfi qərarlara görə hökumətin məsuliyyət daşıdığını, bütün bunların hakim “Gürcü Arzusu” rəsmilərinin anti-Avropa, anti-Qərb ritorikasına cavab olduğunu qeyd edib.
Zurabişvili ABŞ-ın Gürcüstanla hərbi təlimləri ləğv etməsindən sonra Aİ-nin Gürcüstan Müdafiə Nazirliyi üçün nəzərdə tutulmuş 30 milyon avronu dondurmasının hakim partiyanın Gürcüstanın dostlarına qarşı düşmən siyasət yürütməsinin nəticəsi olduğunu vurğulayıb.
**11:14
Avropa İttifaqı (Aİ) "Xarici agentlər haqqında" qanuna görə Gürcüstanın İttifaqa inteqrasiyası prosesini dayandırıb.
Bunu Aİ-nin Tbilisidəki səfiri Pavel Qerçinski bildirib.
O qeyd edib ki, həmçinin Gürcüstan Müdafiə Nazirliyinə 30 milyon avro ayrılması da dayandırılıb.
