Azərbaycan Müdafiə naziri general-polkovnik Zakir Həsənovla türkiyəli həmkarı Hulusi Akar arasında telefon danışığı olub.Senzor.az bildirir ki, bu barədə Türkiyə Milli Müdafiə Nazirliyinin “Tvitter” hesabında paylaşım edilib.
Zakir Həsənov Türkiyə tərəfinə Akçakaledə şəhid olan üç türk hərbçisi ilə bağlı başsağlığı verib.
Xatırladaq ki, Azərbaycan Respublikasının Müdafiə naziri general-polkovnik Zakir Həsənov bundan əvvəl Türkiyə Respublikasının Milli Müdafiə naziri Hulusi Akara və Baş Qərargah rəisi ordu generalı Yaşar Gülerə başsağlığı ünvanlamışdı.
Başsağlığında deyilirdi: "Şanlıurfanın Akçakale bölgəsində xaincəsinə edilmiş terror hücumu nəticəsində, şanlı türk ordusunun 3 hərbi qulluqçusunun şəhid olması xəbəri məni dərindən kədərləndirdi.
Sizin acınız bizim də acımızdır.
Terrora qarşı aparılan kəskin mübarizədə daima qardaş Türkiyə Silahlı Qüvvələrinin yanındayıq və Sizi var gücümüzlə dəstəkləyirik.
Şəhid olanlara rəhmət diləyir, onların yaxınlarının dərdlərinə şərik olur, ailələrinə dərin hüznlə başsağlığı verirəm.
Allah rəhmət eləsin".
