Nepalda baş verən dəhşətli daşqınlar nəticəsində həlak olanların sayı 750 nəfəri keçib.
Senzor.az yerli KİV-ə istinadən bildirir ki, Nepalın təbii fəlakətdən zərər çəkmiş rayonlarında 734 nəfərin meyti tapılıb. Daha 2 498 nəfər itkin düşmüş hesab olunur.
Çinin Tibet Muxtar Rayonunun Şiqadze şəhər dairəsində isə sel nəticəsində 16 nəfər həlak olub.
Qeyd edək ki, Nepal-Çin sərhədində baş verən buzlaq çökməsindən sonra yaranan güclü sel və daşqınlar genişmiqyaslı dağıntılara səbəb olub. Bölgədə axtarış-xilasetmə əməliyyatları davam edir. Fəlakət nəticəsində yaşayış məntəqələri, yollar, körpülər və enerji infrastrukturu ciddi zərər görüb.
**
Bu arada Nepalın Milli Fəlakət Risklərinin Azaldılması və İdarə Edilməsi Təşkilatı çərşənbə günü ölkəni bürüyən güclü daşqınlardan sonra fəlakət bölgəsindəki Bhote Koşi çayında suyun səviyyəsinin qalxması barədə xəbərdarlıq edib.
“Rasuva ərazisindəki Bhote Koşi çayının suyunun səviyyəsinin və axın sürətinin artmağa davam etməsi barədə məlumatlar almışıq. Buna görə də axtarış-xilasetmə əməliyyatlarında və yardım işlərində iştirak edən hər kəsi, eləcə də sakinləri ehtiyatlı olmağa çağırırıq", - deyə təşkilatın mlumatında bildirilib.
