Ermənistan Təhlükəsizlik Şurasının katibi Armen Qriqoryan ABŞ dövlət katibi Marko Rubionun Ermənistan-Azərbaycan sərhədində gərginliyin yeni mərhələsi və ya eskalasiya riskinin olması ilə bağlı narahatlığını bölüşmür.
Teleqraf xəbər verir ki, o, ABŞ-ın bəyanatlarının Ermənistanın fikirləri ilə üst-üstə düşmədiyini bildirib.
“ABŞ-ın bəyanatlarına gəlincə, amerikalıların vəziyyətə dair öz qiymətləri var, Ermənistanın isə öz qiyməti. Bu qiymətləndirmələr üst - üstə düşməyə bilər. Ara-sıra insidentlər olur, amma bu məsələlərlə bağlı Azərbaycanla işləməyə davam edəcəyik”, - A.Qriqoryan vurğulayıb.
ABŞ dövlət katibi mayın 21-də Senatda çıxışı zamanı iddia etmişdi ki, Ermənistanla Azərbaycan arasında real silahlı münaqişə riski hələ də qalmaqdadır və Vaşinqton bunun qarşısını almağa çalışır.
