Ermənistan tərəfi növbəti dəfə dezinformasiya yayıb.
Senzor.az bildirir ki, bu barədə Azərbaycan Müdafiə Nazirliyindən (MN) məlumat verilib.
"Mayın 30-da gecə saat 00:10-dan 01:00-dək Azərbaycan Ordusunun bölmələrinin guya Xəznəvar yaşayış məntəqəsi istiqamətində atəş açması nəticəsində yaşayış evinə ziyan dəyməsi və bir xırdabuynuzlu heyvanın tələf olması barədə Ermənistan Müdafiə Nazirliyinin yaydığı məlumat tamamilə yalandır. Bir daha bildiririk ki, Azərbaycan Ordusunun bölmələri mülki əhalini və mülki obyektləri heç zaman hədəf almır", - MN-in məlumatında deyilir.
