İsrail Hərbi Hava Qüvvələri gün ərzində İrana qarşı hava zərbələrinin üçüncü dalğasına başlayıb.

Senzor.az yerli KİV-ə istinadən bildirir ki, bu barədə İsrail Ordusunun rəsmi nümayəndəsi, briqada generalı Efi Defrin brifinq zamanı məlumat verib.

“Üçüncü zərbə dalğası bir müddət əvvəl başlayıb və İranın qərb bölgəsində cəmlənib. İsrail Hərbi Hava Qüvvələrinin təyyarələri yer-yer tipli raketlərin yerləşdiyi anbarlar və buraxılış qurğuları üzərində uçuşlar həyata keçirir. İstiqamət, əvvəllər vurulmuş obyektlərə yenidən daxil olmağa və oradan sursat çıxarmağa çalışan İran hərbçiləridir”, – deyə general bildirib.

Onun sözlərinə görə, İsrail İranın hərbi potensialını bərpa etməsinə imkan vermək niyyətində deyil.