İran İsrail ərazisinə ballistik raketlərlə növbəti hücum həyata keçirib.
Senzor.az yerli KİV-ə istinadən bildirir ki, atılan raketlərdən biri Beer-Şeva şəhərində yerləşən “Soroka” xəstəxanasına düşüb.
Hadisə nəticəsində azı 10 nəfər xəsarət alıb.
Ölkənin əksər bölgələrində hava hücumu sirenləri səslənir, mülki əhaliyə isə sığınacaqlarda qalmaq tapşırılıb.
Təl-Əvivdə də raket zərbələrindən sonra dağıntılar qeydə alınıb.
Bu arada İranın rəsmi IRNA agentliyi də hücum barədə məlumat yayıb. Bildirilib ki, İranın İsrail ərazisinə endirdiyi raket zərbələrinin hədəfi xəstəxana yaxınlığında yerləşən İsrail ordusuna məxsus hərbi qərargah və kəşfiyyat obyekti olub.
