Ukrayna Hərbi Hava Qüvvələri iyunun 29-na keçən gecə Rusiyanın hücumunu dəf edərkən F-16 qırıcısını pilotu ilə birlikdə itirib.
Senzor.az yerli KİV-ə istinadən bildirir ki, bu barədə ordunun mətbuat xidmətinin Telegram kanalında məlumat verilib.
Qeyd olunur ki, pilot təyyarəni ərazidən yayındıra bilib.
"Təəssüf ki, indi daha bir ağrılı itki ilə üzləşmişik. Bu gecə düşmənin böyük hava hücumunu dəf edərkən F-16-da 1993-cü il təvəllüdlü 1-ci dərəcəli pilot polkovnik-leytenant Maksim Ustimenko həlak olub", - deyə məlumatda vurğulanıb. 
Bildirilir ki, pilot bütün bort silahlarından istifadə edib, yeddi hava hədəfini vurub, lakin onun təyyarəsi zədələnib və hündürlüyünü itirməyə başlayıb.
İyunun 29-na keçən gecə Rusiya Ukrayna ərazisinə müxtəlif tipli pilotsuz uçuş aparatları və raketlərlə hücum edib. Ümumilikdə 500-dən çox hava hədəfi qeydə alınıb.
