Türkiyədə bir sıra deputatların, o cümlədən Cümhuriyyət Xalq Partiyasının (CHP) sədri Özgür Özəlin toxunulmazlığı ilə bağlı Türkiyə Böyük Millət Məclisinə müraciət edilib.
Senzor.az bildirir ki, bu barədə Türkiyə KİV-i məlumat yayıb.
CHP sədri və Manisa millət vəkili Özgür Özəllə yanaşı, İyi Partiyanın qrup sədr müavini və Balıkəsir millət vəkili Turhan Çömez və CHP İstanbul millət vəkili Turan Taşkın Özerin toxunulmazlığı ilə bağlı iddianamə Türkiyə Böyük Millət Məclisinin sədrinə təqdim edilib.
Qeyd edək ki, bundan əvvəl CHP sədri ilə bağlı Ankara Prokurorluğu istintaq başladıb. Rəsmi açıqlamaya görə, Özgür Özəl “Türkiyə Prezidentinə təhqir”, “açıq şəkildə cinayətə təhrik”, “dövlət qulluqçularına vəzifələrini yerinə yetirdiklərinə görə təhqir və hədə” maddələri ilə ittiham olunur.
