Suriya və İsrail rəsmilərinin danışıqları Suriya lideri Əhməd Əl-Şaraanın Azərbaycana səfəri çərçivəsində Bakıda bu gün keçiriləcək.
Bu barədə Al-Arabiya AFP-yə istinadən yazıb.
Mənbə vurğulayıb ki, Əl-Şaraanın özü görüşdə iştirak etməyəcək. Danışıqlar "İsrailin Suriyada hərbi mövcudluğu" mövzusunda aparılacaq.
**17:49
Azərbaycan Suriya və İsrail arasında birbaşa danışıqlar üçün platforma təmin edəcək.
Bu barədə AFP agentliyi suriyalı diplomatik mənbəyə istinadən məlumat yayıb.
Məlumata görə, iki ölkənin nümayəndə heyətləri Bakıda birbaşa danışıqlar aparacaqlar. Nümayəndə heyətlərinin tərkibinə iki ölkənin rəsmiləri daxil olacaq.
Danışıqların tarixi və gündəliyi açıqlanmayıb.
Xatırladaq ki, Suriyanın müvəqqəti Prezidenti Əhməd əl-Şaraa bu gün elan edilməmiş səfərlə Bakıya gəlib. Bu, siyasətçinin Azərbaycana ilk səfəridir. Səfər çərçivəsində Azərbaycan Prezidenti İlham Əliyevlə məhdud və geniş tərkibdə danışıqlar aparılıb.
