Ukrayna məktəblilərinə FPV dronlarını idarə etmək öyrədiləcək.
Senzor.az yerli KİV-ə istinadən bildirir ki, bu barədə ölkənin Təhsil Nazirliyi məlumat yayıb.
Bu, yeni tədris ilində tətbiq olunacaq “Ukraynanın müdafiəsi” kursunun bir hissəsi olacaq.
Məktəblərdə təlim üçün yeni avadanlıqlara kompüterli simulyatorlar, təcrübə üçün dronlar, radiostansiyalar, planşetlər və digər multimedia avadanlıqları daxil olacaq.
Kurs məktəblilərə “təhlükəsizlik sahəsində müasir texnologiyalardan istifadəyə hazırlaşmağa” imkan verəcək.
