Ermənistan hakimiyyəti özünü buraxmış qondarma “Dağlıq Qarabağ Respublikası”nın (“DQR”) İrəvanın Nairi Zaryan küçəsində yerləşən “nümayəndəliyi”nin binasını Qarabağ separatçılarından almaq istəyir.

Senzor.az yerli KİV-ə istinadən bildirir ki, Baş Prokurorluq bununla bağlı məhkəməyə müraciət edib.

 İddia İnzibati Məhkəməyə iyulun 15-də daxil olub. Məqsəd “DQR” “Nazirlər Kabineti”nin 2017-ci ilin martında qeydiyyatdan keçmiş mülkiyyət hüququnu etibarsız saymaqdır.

İddia Daşınmaz Əmlakın Kadastrı üzrə Dövlət Komitəsinə qarşı qaldırılıb.

Qeyd edək ki, Azərbaycanın Qarabağ bölgəsindəki qondarma rejim 2023-cü ilin sentyabr ayında özünü buraxdığını elan edib.