Türkiyənin İstanbul Böyük Şəhər Bələdiyyəsinin vəzifədən uzaqlaşdırılan sədri Əkrəm İmamoğlu barəsində bir il səkkiz ay həbs cəzası verilməsi haqqında qərar qəbul olunub.
Senzor.az bildirir ki, məlumatı Türkiyə KİV-i yayıb.
Qeyd olunub ki, Əkrəm İmamoğlu bu ilin yanvarında İstanbul Respublika Baş Prokuroru Akın Gürlək və ailəsi ilə bağlı işlətdiyi ifadələrə görə “Dövlət məmuruna qarşı vəzifəsindən dolayı açıq şəkildə təhqir”, “Təhdid” və “Terrorla mübarizədə vəzifə almış şəxsləri hədəf göstərmək” ittihamı üzrə başlayan məhkəmədə, onun siyasi qadağa olmadan, ümumilikdə bir il səkkiz ay müddətinə azadlıqdan məhrum edilməsi haqqına qərar çıxarılıb.
