İranın Küveytin şimal ərazisində yerləşən Çin şirkətinə məxsus obyektə endirdiyi zərbə nəticəsində azı bir nəfər həyatını itirib.

Senzor.az yerli KİV-ə istinadən bildirir ki, bu barədə Küveyt Müdafiə Nazirliyinin rəsmisi, polkovnik Səud əl-Atvan məlumat verib.

"İran ölkənin şimalındakı Çin şirkətlərindən birinin binasını hədəfə alıb. Hücum nəticəsində bir işçi həlak olub və binaya ciddi maddi ziyan dəyib. Aidiyyəti qurumlar zərbənin fəsadlarının aradan qaldırılması üçün dərhal müvafiq tədbirlərə başlayıblar", - deyə Nazirliyin rəsmisi vurğulayıb.