AK Partidə sədr müavini və sədr köməkçiləri vəzifələrinə təyinatlar olub.
Senzor.az yerli KİV-ə istinadən bildirir ki, bununla bağlı qərar Prezident və AKP rəhbəri Rəcəb Tayyib Ərdoğanın sədrliyi ilə keçirilən İdarə Heyətinin toplantısında verilib.
Təxminən 2 saat yarım davam edən iclasdan sonra partiyanın sədr müavini və sədr köməkçiləri təyinatları açıqlanıb.
AK Parti sədrinin müavini vəzifəsinə xarici əlaqələr üzrə sədr müavini Efkan Ala təyin edilib.
Xarici Əlaqələr üzrə vitse-prezident vəzifəsinə Zəfər Sırakaya, İnsan Hüquqları üzrə vitse-prezident vəzifəsinə isə Mehmet Ali Zengin təyin olunub.
Qeyd edək ki, AK Partinin böyük qurultayı sentyabr və ya oktyabrda keçiriləcək. Böyük qurultaydan sonra əyalət-rayon qurultayları olacaq.
