İranın xarici işlər naziri Hüseyn Əmir-Abdullahian Azərbaycana gəlib.

Senzor.az bildirir ki, bu barədə Twitter-də nazir özü paylaşım edib.

“Mən Qoşulmama Hərəkatına üzv ölkələrin xarici işlər nazirlərinin görüşündə iştirak etmək üçün Azərbaycana səfər etdim. Üzv ölkələrin müxtəlifliyinə görə, Qoşulmama Hərəkatı yeni qlobal çağırışların həlli üçün çoxtərəfliliyi və ümumi düşüncəni gücləndirmək üçün xüsusi imkanlara malikdir. Həmçinin, bu səfər regionda qonşuluq siyasətini izləmək və inkişaf etdirmək üçün bir fürsət olacaq”, - deyə nazir qeyd edib.

**21:48(04.07.2023)

İranın xarici işlər naziri Hüseyn Əmir-Abdullahian Azərbaycana səfərə yola düşüb.

Senzor.az yerli KİV-ə istinadən bildirir ki, bu barədə İran Xarici İşlər Nazirliyi  (XİN) məlumat yayıb.

Abdullahian Bakıda keçiriləcək Qoşulmama Hərəkatına üzv dövlətlərin xarici işlər nazirlərinin iclasında iştirak edəcək.

İranlı nazirin səfər çərçivəsində azərbaycanlı həmkarı Ceyhun Bayramov və digər rəsmilərlə görüşü planlaşdırılır.