Azərbaycanın müdafiə naziri general-polkovnik Zakir Həsənovun dəvəti ilə İsrail Dövlətinin müdafiə naziri Yoav Qallant ölkəmizə rəsmi səfər edəcək.

Bu barədə Senzor.az-a Müdafiə Nazirliyindən məlumat verilib.

Bildirilib ki, Y.Qallantın İsrail Dövlətinin müdafiə naziri kimi ölkəmizə ilk səfəri çərçivəsində bir sıra görüşlərin keçirilməsi planlaşdırılır.

**09:42

İsrailin müdafiə naziri Yoav Qalant bu gün Azərbaycana səfər edəcək.

Trend diplomatik mənbəyə istinadən xəbər verir ki, nazirin Azərbaycana səfərinin məqsədi ölkələr arasında strateji əlaqələri, siyasi əməkdaşlığı gücləndirmək, təhlükəsizlik və texnologiya sahəsində əlaqələri genişləndirməkdir.

Səfər zamanı İsrail müdafiə nazirinin azərbaycanlı həmkarı ilə regional sabitliyin möhkəmləndirilməsi yollarını müzakirə edəcəyi gözlənilir.