“Məqsədimiz Türk dünyasının beynəlxalq arenada daha da güclənməsinə xidmət etməkdir”.
Bunu Bakıda jurnalistlərə açıqlamasında Türkiyə Böyük Millət Məclisinin (TBMM) sədri Numan Kurtulmuş deyib.
“Türkiyədə bütün rəsmilər ilk səfərlərini Şimali Kipr Türk Cümhuriyyətinə (ŞKTC) və Azərbaycana edirlər. Dünən ŞKTC-yə səfər etdik. Türkiyə ŞKTC və Azərbaycanla Mavi Vətən layihəsi də daxil olmaqla, digər bütün siyasi layihələrdə bundan sonra da birlikdə hərəkət edəcək”, - o əlavə edib.
N.Kurtulmuş vurğulayıb ki, Türkiyə hər sahədə gücünü artıraraq son dərəcə güclü bir ölkə kimi dost və qardaş ölkələrlə bir yerdə daha da inkişaf edəcək:
“Bu səfərimizin başqa bir mənası türk dövlətləri ilə münasibətlərimizin inkişaf etdirilməsinin daha bir mesajıdır”.
