Prezident Volodimir Zelenski Ukraynanın İsveçin NATO-ya daxil olmasını dəstəklədiyini açıqlayıb, xüsusən də Alyansın üzvü olan Türkiyə ilə danışıqlarda bu məsələni qaldırıb.

Senzor.az yerli KİV-ə istinadən bildirir ki, Ukrayna lideri bu barədə İsveçin Baş naziri Ulf Kristerssonla danışıqlardan sonra mətbuat konfransında deyib.

Dövlət başçısı vurğulayıb ki, İsveç “NATO-nun xeyrinə tamamilə rasional seçim edib” və ukraynalıların seçimi də buna bənzəyir.

“Əminəm ki, dövlətlərimiz birlikdə Alyansda olacaq və bu təhlükəsizliyə - xüsusən də Baltik-Qara dəniz-Azov regionunda - zəmanət verəcək”, - Zelenski əlavə edib.

O qeyd edib ki, Alyansdakı bütün tərəfdaşlarla danışıqlarda “o cümlədən Türkiyə ilə danışıqlarda biz daim İsveçin NATO-ya daxil olması üçün dəstəyə çağırırıq”.

“Cənab Ərdoğanla bu yaxınlarda keçirdiyimiz görüşdə mən NATO-da İsveçin lehinə arqumentlər söylədim. Biz bu işi gələcəkdə də davam etdirəcəyik”, - Zelenski deyib.