Türkiyənin hüquq-mühafizə orqanları paytaxt Ankaranın 4 rayonunda Fətullahçı Terror Təşkilatına (FETÖ) qarşı əməliyyat keçirib, nəticədə 20 şübhəli saxlanılıb.
“Report” xatırladır ki, son günlər Türkiyədə FETÖ-yə qarşı əməliyyatlar intensivləşdirilib.
1990-cı illərin sonundan ABŞ-da məskunlaşan “din xadimi” Fətullah Gülənin rəhbərliyi ilə yaradılmış bu gizli və transmilli terror təşkilatı təhsil və ictimai hərəkat pərdəsi altında dünyanın onlarla ölkəsində məktəblərə, iş yerlərinə, mediaya, dövlət və hökumət institutlarına, hüquq-mühafizə orqanlarına, məhkəmə və ədliyyə sistemlərinə, hərbi qurumlara, bank və maliyyə sektoruna sıza bilib.
FETÖ 2016-cı il iyulun 15-də dövlət çevrilişinə cəhd edib. Hadisə nəticəsində 180-i mülki şəxs olmaqla, 250-dək Türkiyə vətəndaşı qətlə yetirilib. Bir çox ölkələr FETÖ-nü terror təşkilatı kimi tanıyır.
Azərbaycan və Türkiyə FETÖ-yə qarşı birgə mübarizə aparırlar.
