Fələstinin HƏMAS terror təşkilatının siyasi bürosunun rəhbəri Yəhya Sinvarın öldürülməsinin ardınca İsrailin Baş naziri Benyamin Netanyahu nazirlərin və təhlükəsizlik nümayəndələrinin iştirakı ilə xüsusi iclas keçirəcək.

Senzor.az yerli KİV-ə istinadən bildirir ki, iclas Tel-Əviv şəhərindəki Kirya hərbi qərargahında baş tutacaq.

İclasda terror başçısının ölümü fonunda israilli əsirlərin HƏMAS-ın əlindən xilası üzrə danışıqların cari vəziyyəti ətrafında müzakirələr aparılacaq.

Xatırladaq ki, ötən gün İsrail əsgərləri Qəzza zolağındakı Rəfəh şəhərində planlaşdırılmamış əməliyyat zamanı Yəhya Sinvarı zərərsizləşdiriblər.