Hakim “Gürcüstan Arzusu – Demokratik Gürcüstan” partiyası 99,26 % (3 111-dən 3 088) məntəqənin səsvermə bülletenlərinin hesablanması nəticəsində 54,23 % səslə parlament seçkilərində qalib gəlir.
Senzor.az bildirir ki, Gürcüstan Mərkəzi Seçki Komissiyasının (MSK) saytında dərc edilmiş yeni məlumatda belə deyilir.
“Gürcüstan Arzusu” 54,234 %, “Dəyişiklik üçün Koalisiya” 10,822 %, “Birlik – Milli Hərəkat” partiyası 10,105 %, “Güclü Gürcüstan” 8,758 %, “Gürcüstan üçün Qaxariya” partiyası 7,753 % səs toplayıb.
MSK-nın məlumatına görə, digər partiyalar 5 %-lik baryeri keçə bilməyiblər.
Qeyd edək ki, Gürcüstanda parlament seçkilərində 18 seçki subyekti iştirak edib. Seçkilər ilk dəfə olaraq yalnız proporsional sistem (partiya siyahıları) üzrə və elektron texnologiyalardan – verifikasiya və səslərin hesablanması aparatlarından geniş istifadə edilməklə keçirilib.
**22:44(26.10.2024)
Gürcüstan Mərkəzi Seçki Komissiyası (MSK) bu gün keçirilən parlament seçkilərinin ilkin nəticələrini elan edib.
Senzor.az MSK-nın saytına istinadən bildirir ki, səsləri hesablanmış 2 176 seçki məntəqəsinin ilkin nəticələrinə əsasən, Parlament seçkilərində “Gürcü Arzusu-Demokratik Gürcüstan” Partiyası səslərin 52,988 faizini qazanıb.
İkinci yerdə 11,199 faizlə “Dəyişikliklər üçün Koalisiya”, üçüncü yerdə isə səslərin 9,805 faizini toplayan “Vahid Milli Hərəkat” yer alıb.
“Güclü Gürcüstan” partiyası seçicilərin 9,04 faizinin, “Qaxaria - Gürcüstan üçün” partiyası isə 8,243 faizinin səsini qazana bilib.
Qeyd edək ki, seçkilərdə ümumilikdə 3 111 seçki məntəqəsi açıq olub. Hazırda isə onlardan yalnız 2 176-da səslər hesablanıb.
