Ukrayna bir neçə ballistik raketin yaradılması üzərində işləyir və belə silahlar istehsal edən “seçilmiş ölkələr qrupuna” qoşulmağa çalışır.
Bu barədə “The Wall Street Journal” nəşri strateji sənaye nazirinin müavini Anna Qvozdyara istinadla məlumat yayıb.
Qeyd edilir ki, Ukrayna əldə olunan irəliləyişin təfərrüatını gizli saxlayır, lakin rəsmilər yaxın günlərdə bir neçə yeni raketin istifadəyə veriləcəyini bildirirlər. Eyni zamanda, Kiyevin müvafiq proqramı maliyyə çatışmazlığı ilə üzləşir, ona görə də ölkə bir neçə il Qərb tədarükündən asılı olacaq.
Mediada yayılan xəbərlərə görə, bu ərəfədə Kiyev Rusiyanın “Oreşnik” raketinin hücumlarını dəf etmək üçün ABŞ-dan raket əleyhinə sistemlər istəyə bilər. Söhbət xüsusən “Lockheed Martin” kompaniyasının THAAD zenit-raket kompleksindən gedir.
