Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) bağlanış plenar iclasında yeni iqlim hədəfi qəbul olunub.
Senzor.az bildirir ki, bunu COP29-un prezidenti Muxtar Babayev deyib.
Sənədə əsasən, inkişaf etmiş ölkələrin inkişaf etməkdə olan ölkələrə iqlim fəaliyyəti üçün ildə 100 milyard ABŞ dolları məbləğində vəsaitin birgə səfərbər edilməsi məqsədinin 2035-ci ilədək ən azı 300 milyard ABŞ dollarına çatdırılması təmin ediləcək.
Qeyd olunub ki, bu maliyyələşdirmə müxtəlif mənbələrdən, o cümlədən dövlət və özəl, ikitərəfli və çoxtərəfli, eləcə də alternativ maliyyə mənbələrindən cəlb olunacaq. 
