Gürcüstan polisi Tbilisidə parlament binasına gedən küçələri tamamilə bağlayıb.
Bu barədə TASS məlumat yayıb.
“Daxili İşlər Nazirliyinin əməkdaşları, o cümlədən xüsusi təyinatlılar parlament binasının hər iki tərəfində, eləcə də onun arxasındakı parkda yerləşdirilib. Media nümayəndələri hələlik binaya buraxılmır”, - məlumatda qeyd olunub.
Qeyd edək ki, bu gün saat 12:00-da Gürcüstanın XI çağırış parlamentinin ilk sessiyası keçiriləcək.
Ölkə müxalifəti şənbə günü keçirilən mitinqdə vətəndaşları bu gün Tbilisidə toplaşmağa və iqtidar deputatlarının noyabrın 25-də ilk iclasını keçirməsinin qarşısını almaq üçün parlamentə doğru yürüş təşkil etməyə çağırıb.
