Meydan TV-nin əməkdaşları Aynur Elgünəş, Aytac Tapdıq, Natiq Cavadlı, Ramin Cəbrayılzadə (Deko), Xəyalə Ağayeva Bakı Şəhər Baş Polis İdarəsinə aparılıblar.
Bu barədə Turan-a onların yaxınları məlumat veriblər.
Daxili İşlər Nazirliyinin Mətbuat Xidmətindən agentliyə bildirilib ki, vətəndaş Ramin Cəbrayılzadə ölkəyə qeyri-qanuni xarici valyuta gətirməsi ilə əlaqədar daxil olan məlumat əsasında polis tərəfindən saxlanılıb.
DİN-dən qeyd edilib ki, məlumat təsdiqini tapıb və əlavə araşdırmalar aparılır. Bir neçə şəxs araşdırma çərçivəsində saxlanılıb.
Əlavə məlumat veriləcək.
