Rusiya Prezidenti Vladimir Putin şənbə günü Rusiya Təhlükəsizlik Şurasının daimi üzvləri ilə videobağlantı vasitəsilə operativ müşavirə keçirib. 

Senzor.az Kremlin.ru saytına istinadən bildirir ki, müşavirədə Baş nazir Mixail Mişustin, Federasiya Şurasının sədri Valentina Matvienko, Dövlət Dumasının sədri Vyaçeslav Volodin, Təhlükəsizlik Şurası sədrinin müavini Dmitri Medvedev, Prezident Administrasiyasının rəhbəri Anton Vayno, Təhlükəsizlik Şurasının katibi Sergey Şoyqu, Prezidentin köməkçisi Nikolay Patruşev, müdafiə naziri Andrey Belousov, daxili işlər naziri Vladimir Kolokoltsev, xarici işlər naziri Sergey Lavrov, Federal Təhlükəsizlik Xidmətinin direktoru Aleksandr Bortnikov, Xarici Kəşfiyyat Xidmətinin direktoru Sergey Narışkin və Prezidentin ətraf mühitin mühafizəsi, ekologiya və nəqliyyat üzrə xüsusi nümayəndəsi Sergey İvanov iştirak ediblər. 

Putin müşavirəni açarkən iştirakçılara müraciətlə deyib: “Bu gün sizinlə ən yaxın dostlarımız, həmkarlarımız, tərəfdaşlarımız, müttəfiqlərimizlə işləməklə bağlı bir neçə məsələni müzakirə edəcəyik. Xəzər regionunda qarşılıqlı fəaliyyət məsələsindən başlayaq”.

Senzor.az