Donald Tramp və Volodimir Zelenski yanvarın 20-də ABŞ Prezidentinin andiçmə mərasimindən sonra görüşə bilərlər.
Senzor.az yerli KİV-ə istinadən bildirir ki, bu barədə Ukrayna Xarici İşlər Nazirliyinin mətbuat katibi Georgi Tixiy məlumat yayıb.
Onun sözlərinə görə, Ukrayna artıq ən yüksək səviyyədə Kiyev-Vaşinqton təmaslarına hazırlaşır.
“Bizim mövqeyimiz çox sadədir. Biz Ukraynada hamımız müharibəni Ukrayna üçün ədalətli şəkildə bitirmək istəyirik. Və biz görürük ki, Prezident Tramp da müharibəni bitirməkdə qərarlıdır,” – Tixiy qeyd edib.
