Monqolustan hökumətini hava çirkliliyi və işsizliklə mübarizə apara bilməməkdə ittiham edən etirazçılar paytaxt Ulan-Batorun əsas prospektini bağlayıblar.
Senzor.az xarici KİV-ə istinadən bildirir ki, Ulan-Batorun əsas meydanında başlayan dinc piket nümayişə çevrilib.
Aksiya iştirakçıları paytaxtın mərkəzi prospektini bağladıqları üçün 15 avtobus marşrutunun hərəkəti dayanıb.
Aksiyanın təşəbbüskarı və təşkilatçısı "Azadlıq Alyansı" partiyasıdır. Onun nümayəndələri hökuməti istefaya çağırırlar.
